આત્માના ગુણ

Posted on ફેબ્રુવારી 7, 2017 Updated on માર્ચ 7, 2017

  
ૐ

મને પ્રિય છે આ સમુદ્રના પાણીનો અવાજ

અટૂટ, લયબદ્ધ 

હરદમ મને પ્રેરે પહાડોની આ ઊંચાઈ 

નિડર, ટટ્ટાર

મનને ચૂમતો આ હૈયાનો ધબકાર

નિરંતર, અચૂક

કહે છે મને, ન થોભ ન થોભ

બસ ચાલતી રહે, ચાલતી રહે..

અટૂટ લયબદ્ધ ચાલતા

ટટ્ટાર થઈ નિડર બનીશ

અચૂક મંઝીલને પામીશ..

અવાજ સાંભળી અંતરનો

નિરંતર ડગ માંડું કર્મોના રાહે

જેથી કરી શકુ ‘સિદ્ધ’ આત્માના ગુણોને.

-ધારાભટ્ટ-યેવલે